Dünyanın aparıcı biofarmasevtik şirkətlərindən
biri olan AstraZeneca, Zeytun Pharmaceuticals ilə strateji əməkdaşlıq
çərçivəsində Azərbaycandakı fəaliyyətini yenidən bərpa edir. Bu tərəfdaşlıq,
ölkənin əczaçılıq sektorunda beynəlxalq təcrübənin tətbiqini və yüksək keyfiyyətli
dərman vasitələrinin əlçatanlığını təmin edəcək.
AstraZeneca, dünyanın 100-dən çox ölkəsində
fəaliyyət göstərən, elmi tədqiqatlara və innovasiyaya əsaslanan qlobal
biofarmasevtik şirkətdir. Onkologiya, ürək-damar, böyrək və maddələr mübadiləsi, tənəffüs sistemi, immum terapiyası və nadir
xəstəliklər sahələrində qabaqcıl tədqiqatlar aparır və sübut olunmuş
effektivliyə malik müasir dərmanlar təqdim edir. 2024-cü il göstəricilərinə əsasən,
AstraZeneca dünyanın ən böyük əczaçılıq şirkəti arasında yer tutur.
Bu tərəfdaşlıq, Azərbaycanda dünya
standartlarına uyğun tibbi dərman vasitələrinin əlçatanlığı, pasiyentlər üçün
innovativ müalicə imkanlarının artırılması və səhiyyə işçilərinin bilik və
bacarıqlarının gücləndirilməsi ediləcək təlimlər baxımından xüsusi əhəmiyyət
daşıyır.
Zeytun Pharmaceuticals ölkə daxilində geniş
distribusiya imkanları və peşəkar komandası ilə tanınır. Şirkət beynəlxalq
brendlərlə uğurlu əməkdaşlıq təcrübəsinə malikdir. AstraZeneca ilə qurulan bu
yeni tərəfdaşlıq, həm pasiyentlər, həm də səhiyyə işçiləri üçün yeni imkanlar
yaradacaq.
Əməkdaşlıq çərçivəsində:
- Müasir dərman vasitələrinin bazara çıxarılması,
- Tibb işçiləri üçün elmi əsaslı təlimlərin təşkili,
- Apteklərdə yüksək keyfiyyətli və effektiv məhsulların əlçatanlığının
artırılması hədəflənir.
Həmçinin, Azərbaycanda dərman vasitələrinin
qeydiyyat prosesin sadələşdirilməsi beynəlxalq şirkətlərin məhsullarının daha
qısa müddətdə bazara çıxmasına və pasiyentlərə çatmasına real imkan yaradır.
AstraZeneca və Zeytun Pharmaceuticals
birlikdə innovativ dərman vasitələrinin əlçatanlığını artırmaq, pasiyent mərkəzli
yanaşmalarla daha sağlam cəmiyyətin qurulmasına xidmət etməyi qarşıya məqsəd
qoyur.
AstraZeneca
AstraZeneca (LSE/STO/Nasdaq: AZN) — Onkologiya, Nadir Xəstəliklər və
BioFarmasevtikalar sahəsində, o cümlədən Ürək-Damar, Böyrək və Maddələr Mübadiləsi,
Tənəffüs və Immunologiya istiqamətlərində reseptlə təyin edilən dərman vasitələrinin
kəşfi, inkişafı və kommersiyalaşdırılmasına fokuslanan, elmi əsaslı qlobal
biofarmasevtik şirkətdir. Mərkəzi Böyük Britaniyanın Kembric şəhərində yerləşən
AstraZeneca-nın innovativ dərman vasitələri, dünyanın 125-dən çox ölkəsində
satılır və dünyada milyonlarla pasiyent tərəfindən istifadə olunur.
Ətraflı məlumat üçün www.astrazeneca.com saytına daxil olun və şirkəti sosial şəbəkələrdə@AstraZeneca adı ilə izləyə bilərsiniz.