ABŞ-nin
Qida və Dərman İdarəsi (FDA), “Bayer” şirkətinin istehsal etdiyi Kerendia
(finerenon) dərmanını ürək çatışmazlığı olan bəzi xəstələr üçün istifadəyə
rəsmi olaraq təsdiqlədi.
Burada
söhbət atım fraksiyası qorunmuş və ya bir qədər azalmış ürək
çatışmazlığı olan xəstələrdən gedir. Yəni ürək hələ də qanı müəyyən güclə
vurur, amma bu bədənə lazım olan dəstəyi tam təmin etmir. Bu formada xəstələrdə
nəfəs darlığı, yorğunluq və digər tipik ürək çatışmazlığı əlamətləri müşahidə
olunur. Ürəyin işi tam dayanmasa da, düzgün və effektiv işləməsi pozulub. Uzun
müddət bu pasiyent qrupu üçün məqsədyönlü və sübutlu müalicə imkanlarıyox idi. İndi isə Kerendia ilə bu vəziyyət dəyişir.
Bu
nə deməkdir?
· Uzun müddət müalicə imkanları məhdud olan ürək çatışmazlığı xəstələri
üçün artıq elmi sübutlara əsaslanan yeni bir seçim mövcuddur.
· “Bayer” şirkəti ürək-damar sahəsində öz mövqeyini daha da möhkəmləndirir.
· Dərmanın böyük bazar potensialı var — illik satışların 3 milyard
dolları keçəcəyi gözlənilir.
Kerendia-nın
əvvəlki və yeni istifadəsi:
Əslində
Kerendia əvvəllər 2-ci tip şəkərli diabetlə bağlı böyrək xəstəliyinin müalicəsi
üçün təsdiqlənmişdi. İndi isə ürək çatışmazlığının müəyyən formalarında da
istifadə olunur.
Dərman, ürək və böyrəklərdə iltihab və maye toplanmasına səbəb olan
mineralokortikoid reseptorlarının (MR) həddindən artıq aktivliyini bloklayaraq
bu proseslərin qarşısını alır.
Əsas
fərq:Hormonal yan təsirləri yoxdur.
Əvvəl
ürək çatışmazlığı üçün istifadə olunan bəzi dərmanlar (məsələn, spironolakton)
hormonal yan təsirlər verirdi: kişilərdə döş böyüməsi, qadınlarda menstrual
problemlər kimi.
Kerendia
isə steroid deyil, selektiv və qeyri-steroid bir dərmandır. Bu o deməkdir ki,
eyni effekti verir, amma hormonal problemlərə səbəb olmur.
Elmi
sübut: FINEARTS-HF tədqiqatı
Kerendia-nın
ürək çatışmazlığı üçün təsdiqlənməsi FINEARTS-HF adlı böyük klinik araşdırma əsasında
baş verib. Nəticələr bunları göstərdi:
· Ürək-damar səbəbli ölüm və ya xəstənin ürək çatışmazlığı səbəbilə xəstəxanaya
düşmə riski 16% azalıb.
· Ən önəmlisi odur ki, bu təsir qadın, kişi, yaşlı, gənc — bütün
pasiyent qruplarında müşahidə olunub. Yəni dərman geniş istifadə üçün uyğundur.
“Bayer”
üçün nə ifadə edir?
Kerendia
artıq iki böyük tibbi sahədə istifadə olunur: böyrək xəstəliyi və ürək
çatışmazlığı.
Bu, “Bayer”
üçün strateji və kommersiya baxımından böyük uğurdur.