MSD şirkəti və Zeytun Pharmaceuticals əməkdaşlığı ilə Keytruda® artıq Azərbaycanda rəsmi olaraq mövcuddur.
MSD şirkəti Zeytun Pharmaceuticals MMC-ni
ölkədə yeganə və rəsmi tərəfdaşı kimi seçərək, bu innovativ preparatın idxalı,
saxlanması və logistikasını ona etibar etmişdir. Zeytun Pharmaceuticals MMC
Merck Sharp & Dohme (MSD) şirkəti ilə birbaşa müqavilə əsasında əməkdaşlıq
edir və Keytruda® preparatının Azərbaycana təhlükəsiz və beynəlxalq
standartlara uyğun şəkildə gətirilməsinə, saxlanılmasına və son istifadəçiyə
çatdırılmasına tam məsuliyyət daşıyır.
Qeyd edək ki, Zeytun Pharmaceuticals Azərbaycanda
GDP (Good Distribution Practice) sertifikatına malik yeganə əczaçılıq şirkəti
olaraq, preparatın təchizatının istehsal müəssisəsindən son istifadəçiyə qədər
olan bütün mərhələlərində — soyuq zəncir (cold chain) də daxil olmaqla —
texniki və normativ tələblərə ciddi şəkildə riayət edir.
Keytruda® müasir onkologiya sahəsində ən
mühüm innovasiyalardan biri hesab olunur. Preparat immunoterapiya prinsiplərinə
əsaslanaraq orqanizmin təbii immun sistemini aktivləşdirir və T-limfositlərin
şiş hüceyrələrinə qarşı yönəlməsinə şərait yaradır.
Hazırda Keytruda® preparatının 20-yə yaxın
bədxassəli şiş növünün müalicəsində effektivliyi elmi tədqiqatlarla sübut
olunmuşdur və o, ABŞ-da 40-dan çox göstəriş üzrə rəsmi qeydiyyatdan keçmişdir.
Xüsusilə vurğulanmalıdır ki, bu preparat ağciyər, süd vəzi, böyrək xərçəngi,
melanoma, baş-boyun və uşaqlıq boynu xərçənglərinin erkən mərhələlərində yüksək
effektivlik göstərir. Bundan əlavə, Keytruda® həmçinin uşaqlarda Xoçkin
limfoması və melanoma, eləcə də böyüklərdə MSI-H/dMMR genetik markerinə malik bərk
(solid) şişlərin müalicəsində tətbiq olunur.
Keytruda® preparatının Azərbaycanda rəsmi
şəkildə mövcudluğu ölkədə onkoloji yardım xidmətlərinin inkişafına mühüm töhfə
verir və xəstələrin müasir, effektiv və beynəlxalq səviyyədə tanınmış müalicə
metodlarına çıxış imkanlarını genişləndirir.
“Hazırda preparat Zeytun Pharmaceuticals
şirkətinin aptek şəbəkəsində təqdim olunur ki, bu da istifadəçilərə preparatın
orijinallığına və keyfiyyətinə tam zəmanət verir.”