4 oktyabr 2025-ci il tarixində “İnsomniya
sindromu” mövzusuna həsr olunmuş elmi-praktik seminar keçirilib.
Seminar çərçivəsində yuxu pozğunluqlarının patogenezi, diaqnostikası və müalicəsinə
dair aktual məsələlər müzakirə olunub.
Tədbirdə nevroloqlar, psixiatrlar və digər həkimlər
çıxış edərək insomniyanın etiologiyası, müasir farmakoloji və davranış
terapiyaları, həmçinin stress və emosional yüklənmənin yuxu keyfiyyətinə təsiri
barədə təqdimatlar ediblər.
Görüş zamanı beynəlxalq təcrübəyə əsaslanan
yeni elmi yanaşmalar, yuxu gigiyenasının əhəmiyyəti və multidisiplinar əməkdaşlığın
vacibliyi xüsusi vurğulanıb.
Mütəxəssislər qeyd ediblər ki, insomniya
sindromunun vaxtında diaqnostikası və kompleks müalicəsi pasiyentin həyat
keyfiyyətinin yüksəldilməsində mühüm rol oynayır.
Seminar həm elmi biliklərin paylaşımı, həm də
praktik təcrübə mübadiləsi üçün səmərəli platforma kimi dəyərləndirilib.