19 dekabr 2025-ci il
tarixində 1 nömrəli Tibb Kollecində Zeytun Pharmaceuticals şirkətinin tanıtım təqdimatı
keçirilib. Tədbir Əczaçılıq fakültəsinin 2-ci kursunda təhsil alan tələbələr
üçün təşkil olunub.
Təqdimat zamanı tələbələrə
Zeytun Pharmaceuticals-da mövcud və gələcək karyera imkanları, şirkətin fəaliyyət
istiqamətləri və peşəkar inkişaf perspektivləri barədə ətraflı məlumat verilib.
Görüş çərçivəsində tələbələrin sualları cavablandırılıb və real iş mühiti ilə
bağlı praktiki məlumatlar paylaşılıb.
Tədbirin əsas məqsədi gənc
mütəxəssislərin şirkətə marağını artırmaq, işə qəbul imkanlarını genişləndirmək,
korporativ brendinqin inkişafına töhfə vermək və gələcəkdə istehsalat təcrübəçilərinin
sayının artırılması istiqamətində əməkdaşlığı gücləndirmək olub.
Zeytun Pharmaceuticals
üçün gənclərlə erkən mərhələdə əlaqə qurmaq, onların peşəkar inkişafına dəstək
vermək və yerli kadr potensialının gücləndirilməsi əsas prioritetlərdəndir. Şirkət bu istiqamətdə təşəbbüslərini davam etdirir.