Zeytun Pharmaceuticals nümayəndələri 2 nömrəli
Tibb Kollecində keçirilən görüş zamanı tələbələrlə bir araya gəlib. Görüş çərçivəsində
tələbələrə Zeytun Pharmaceuticals-da karyera imkanları, istehsalat təcrübəsi
proqramı və şirkətin inkişaf perspektivləri barədə ətraflı məlumat verilib.
Tədbirin əsas məqsədi gələcəyin əczaçıları ilə
erkən mərhələdə əlaqə qurmaq, onların peşəkar inkişafına töhfə vermək və əczaçılıq
sektoruna marağı artırmaq olub. Görüş zamanı tələbələrin sualları
cavablandırılıb və real iş mühiti ilə bağlı praktiki məlumatlar paylaşılıb.
Zeytun Pharmaceuticals üçün gənc mütəxəssislərlə
əməkdaşlığın qurulması və onların peşəkar yoluna dəstək göstərilməsi strateji
prioritetlərdən biridir. Şirkət gələcəyin peşəkarlarına investisiya etməyə və
yerli kadr potensialının inkişafına töhfə verməyə davam edir.