Zeytun Pharmaceuticals və Scandens Pharmaceutical Industries Ltd arasında formalaşmış əməkdaşlıq Azərbaycanın əczaçılıq sektorunda keyfiyyətin yüksəldilməsi və yerli istehsalın gücləndirilməsi istiqamətində mühüm strateji mərhələdir.
GDP və ISO 9001:2015 sertifikatlarına sahib olan Zeytun Pharmaceuticals-in beynəlxalq standartlara uyğun qurulmuş güclü təchizat zənciri imkanları, Alman texnologiyalı avadanlıqlarla təchiz edilmiş və GMP standartlarına uyğun fəaliyyət göstərən Scandens-in müasir istehsal infrastrukturu ilə birləşərək vahid və dayanıqlı əməkdaşlıq modeli formalaşdırır.
Bu strateji tərəfdaşlıq: * Yerli istehsalın bazara effektiv inteqrasiyasını təmin edir * Beynəlxalq keyfiyyət standartlarına cavab verən məhsulların əlçatanlığını artırır * İdxaldan asılılığın azaldılmasına töhfə verir * Milli əczaçılıq sektorunun davamlı inkişafını dəstəkləyir
Hər iki şirkətin ortaq məqsədi təhlükəsiz, effektiv və yüksək keyfiyyətli dərman vasitələrinin səhiyyə müəssisələrinə və əhaliyə etibarlı şəkildə çatdırılmasını təmin etməkdir.
Zeytun Pharmaceuticals-in əczaçı komandası tərəfindən Scandens zavoduna təşkil olunan peşəkar səfər bu əməkdaşlığın praktik müstəvidə də uğurla inkişaf etdiyini göstərir. İstehsal prosesinin, keyfiyyətə nəzarət mərhələlərinin və beynəlxalq standartlara uyğun mexanizmlərin yerində müşahidə olunması tərəflər arasında qarşılıqlı etimadı daha da möhkəmləndirir və uzunmüddətli əməkdaşlıq perspektivlərini gücləndirir.
Zeytun Pharmaceuticals və Scandens-in birgə fəaliyyəti Azərbaycanın əczaçılıq sektorunda innovasiya, keyfiyyət və davamlı inkişafın yeni mərhələsini formalaşdırır.